ANG AKING PRINSESA

Siya’y hindi napapagod magmahal

Lahat ay gagawin para sa’kin

‘Di ko inisip na siya’y sagabal

Hindi niya ako papabayaan

Ako ay kaniyang inaruga

Siya’y hindi napapagod magmahal

‘Di man sinanay sa karangyaan

Mayaman naman sa pagmamahal

‘Di ko inisip na siya’y sagabal

‘Di ko nais magsayang ng oras

Upang siya ay aking makasama

Siya’y di napapagod magmahal

Gumabay ‘tungo sa tamang landas

Nilayo sa mga masasama

‘Di ko inisip na siya’y sagabal

Patuloy niya akong minamahal

Sa kabila ng aking ugali

Siya’y hindi napapagod magmahal,

‘Di ko inisip na siya’y sagabal.