Kapag sinabi kong mahal kita

Kapag sinabi kong mahal kita, Mithiin ko'y di ka na mawala, Ikaw ang hiling sa bawat tala. Ngiti sa mata'y di na mawala, Kaya't paniwalaan mo sinta, Kapag sinabi kong mahal kita. Mahal kita, walang pagdududa Mamahalin hanggang sa pagtanda, Ikaw ang hiling sa bawat tala. Tanging panalangin kay Bathala, Buksan iyong isip at maniwala, Kapag sinabi kong mahal kita. 'Di sapat itong bawat salita, Upang ipabatid, "mahal kita", Ikaw ang hiling sa bawat tala. Presensya mo'y nagpapaligaya Paniwalaan bawat salita, Kapag sinabi kong mahal kita, "Ikaw ang hiling sa bawat tala."