Walang katapusang pagpapanggap

Walang katapusang pagtatanggap

Pag iintindi lang ang katapat sa

Walang katapusang paghihirap

Kahit sabihin mang mahirap o

Madali kailangan natin ng

Hindi nauubos na pagtanggap

Takbuhan man natin o harapin

Maaari nga bang takasan 'tong

Walang katapusang paghihirap?

Nandiyan siya o sa piling ng iba

Mahal ka o hindi kailangan ng

Hindi mapantayan na pagtanggap

Ituloy ba kung siya ay sumuko?

Bakit ba hindi tapusin itong

Walang katapusang paghihirap?

Tumingin sa taas at ngumiti.

Ama, pwede ba ang sumuko sa

Walang katapusang pagtatanggap

Sa 'di maubos na paghihirap?